PAMURA HU DO KARCIS

Di Silindung do huta ni ompung nami, si Topa hudon sian Sipoholon. Nunga manang na piga hali hami piknik jala modom di Prapat. Lao ma tu pulo Samosir, alai satongkin do, torus mulak tu Parapat. Karcis ni kapal pe murah hian (tingki taon 2011, holan Rp 7.000 do).

  Ala singkola di Jawa jala tinggal di Jakarta do hami, tarhilala adong na hurang. Malungun naeng modom di Pulau Samosir. Ujung taon 2010 saut ma modom 3 borngin di Hotel dipinggir ni tao, di Tuktuk Siadong.
Husangahon do manuhor kaos, kerajinan tangan, mamereng complex jabu jabu Batak dohot mangihuthon tor tor Batak. Gabe turis ma hami halak Indonesia dohot turis sibontar mata. Alai umbahat ma sibontar mata.

.

Nahuida, karcis masuk “pa mura hu”. Grup seni musik, tari disi, paima “durung durung” sian turis tingki sae manortor. Ipe ndang sadia, ala hami na manortor  ndang lobi sian 20 halak.
Jadi arga ni karcis masuk boi do ditamba, asa adong antong pandapotan nasida par music, panortor dohot padengganhon jabu Batak dohot hundulan ni turis, ala hurang denggan. Tung mansai las rohani turis i dohot manortor mamakke ulos. “You may imitate them”, ninna turis tu au. Hualusi :”I am Batak too”, ningku.
Anggo turis, bahat do hepeng na manggarar karcis masuk asalma denggan dibaen music dohot tortor. Namanortor pe nean diajari ma angka namarbaju dohot doli doli huta i, aso unang sai mangaranto sude.

Husangahon do marminggu di gereja HKBP Tuktuk Siadong jala mangan di lapo saor dohot ruas ni huria i. Jala huida do bahat anak singkola na marsiajar bahasa Inggris tu turis turis.

Manyewa mobil ma hami kaliling di pulau Samosir. Supir nai boi do nitelpon asa dijemput di bandara sian Medan, nuaeng sian Silangit. Bahat do turis na marmotor sian rental motor di Samosir. Bahat do tong rental sepeda di Samosir. 

Tiap borngin dibaen ma nean marende huhut manortor dohot turis di Hotel Hotel dohot Restoran di Prapat dohot dipulo Samosir. Ai ido jasa naboi ta gadis, asing sian huta na asing di bangso on. Martamba turis, martamba ma antong sanggar sanggar tortor  dohot marende.